थं क्रिएटिव्ह पर्यावरण दक्षता कृती मंच ही अशासकीय संस्था (NGO) आहे. संस्थेची स्थापना २०१६ साली झाली असून मा. धर्मादाय आयुक्त, पुणे यांच्याकडे संस्था नोंदणीकृत आहे. (संस्था नोंदणी अधिनियम १८६० – महा १७४४/२०१५ पुणे दिनांक २२-१२-२०१५ आणि मुंबई सार्वजनिक विश्वस्त व्यवस्था अधिनियम १९५० – एफ-४७७९४/पुणे दिनांक १५-१०-२०१६)

मानवी वर्तनामुळे पर्यावरणाची जी हानी होते, त्यामुळे मानव स्वतःच वारंवार संकटात सापडत आहे. मानवाची या संकटातून सोडवणूक करायची असेल तर पर्यावरणाची हानी भरून काढायला हवी सोबत पर्यावरणाचे संरक्षण, जतन आणि संवर्धन करायला हवे या प्रेरणेतून थं क्रिएटिव्ह पर्यावरण दक्षता कृती मंच ची स्थापना करण्यात आली आहे. आपण निसर्गाला वाचवले तरच निसर्ग आपल्याला वाचवेल हा संदेश जनसामान्यांपर्यंत नेणे आणि त्यादृष्टीने लोकसहभागातून विविध उपक्रम हाती घेणे हे संस्थेचे उद्दिष्ट आहे. आपल्या उद्देश्यपूर्तीसाठी स्थापनेपासूनच संस्थेने पर्यावरण विषयक अनेक सामाजिक उपक्रम आणि प्रकल्प यशस्वीपणे राबवले आहेत. आजवरच्या वाटचालीमध्ये सर्वसामान्य नागरिक आणि अनेक मान्यवर संस्थांचे पाठबळ संस्थेला लाभत आले आहे.  पुढेही संस्था आपल्या उद्दिष्टपूर्तीसह अधिक जोमाने कार्यरत राहील आणि पर्यावरण संरक्षण, संवर्धनाच्या दृष्टीने उपयुक्त असलेले उपक्रम यशस्वीपणे राबवेल.