दरवर्षी आळंदी ते पंढरपूर वारीमध्ये लाखो वारकरी सहभागी होत असतात. मागील काही वर्षांत वारीमध्ये प्लॅस्टिक आणि थर्माकोलपासून बनवलेल्या प्लेट्स, प्लास्टिक ग्लासेस, प्लास्टिक कप्स यांच्या वापराचे प्रमाण प्रचंड वाढले आहे. वापरलेल्या या वस्तू  तशाच फेकून दिल्या जातात. या वस्तूंचे निसर्गचक्रात विघटन होण्यासाठी शेकडो वर्षे लागतात. काही वेळा त्यांना जाळून टाकले जाते. यामुळे हवा, जमीन आणि पाणी यांचे प्रचंड प्रदूषण होते. प्लास्टिकच्या खरकट्या डिशेस खाल्ल्यामुळे शेकडो जनावरे मरण पावतात. प्लॅस्टिक आणि थर्माकोल डिशेस, बाउल्स, कप्स यांच्या गरम पदार्थ वाढल्यामुळे त्यातील कर्करोगजन्य रसायने अन्नात मिसळले जातात. हे टाळण्यासाठी नैसर्गिक पानांपासून बनवलेल्या पारंपरिक पत्रावळींचा वापर पुन्हा सुरु करणे हा एकच मार्ग उपलब्ध आहे. वारकऱ्यांनी वारीमध्ये पानांपासून बनवलेल्या पत्रावळींचाच वापर करावा यासाठी पंढरपूर वारीशी संबंधित सर्व घटकांचे प्रबोधान करणे तसेच पत्रावळींची उपलब्धता सहज होण्यासाठी वितरण व्यवस्थेला चालना देणे अशा विविध स्तरांवर थं क्रिएटीव्ह पर्यावरण दक्षता कृती मंच कार्य करीत आहे.